मु’म्बईमा घर भ-त्किँदा ११ जनाको मृत्यु, सात जना घा’इते

मु’म्बईमा घर भ-त्किँदा ११ जनाको मृत्यु, सात जना घा’इते

एजेन्सी : भारतको मुम्बई शहरमा घर भत्किदाँ ११ जनाको मृत्यु भएको छ । सो घटनामा सात जना घाइते भएका छन्। मृत्यु हुनेमा आठ जना बालबालिका र तीन जना वयस्क मानिसहरु रहेको प्रहरीले जानकारी दिएको छ ।

भारतीय सञ्चारमाध्यमहरुमा उल्लेख गरिए अनुसार अझै धेरै मानिस पुरिएको आशंकामा अहिले खोजीकार्य चलिरहेको छ ।

अधिकारीहरुका अनुसार नाजुक अवस्थामा रहेको नजिकैको अर्को तीनतले भवन पनि खाली गरिएको छ । मुम्बईको प्रहरीका ज्वइन्ट कमिस्नर विश्वास नांग्रेका अनुसार उक्त भवन गैरकानुनीरुपमा धेरै संरचनात्मक त्रुटिसहित निर्माण गरिएको थियो ।

गत महिना भारतमा ताउ ते चक्रवातपछि भएको वर्षाको कारण उक्त भवनमा क्षति पुगेको थियो । यस्तोमा आवश्यक सतर्कता अपनाइएको भए बुधबारको दुर्घटना रोक्ने सकिने प्रहरी अधिकारी नांग्रेले बताएका छन् ।

महाराष्ट्रको सरकारले यस घटनामा मृत्यु हुने सबैको परिवारलाई पाँच लाख राहत उपलब्ध गराउने भएको छ ।

बुधबार राति तीन तले आवासीय भवन भत्किएर अर्को एक तले भवनमा खसेको बताइएको छ ।