ज्योति मगरको ‘माइतीको माया बरिलै’ सार्वजनिक (भिडियोसहित)

ज्योति मगरको ‘माइतीको माया बरिलै’ सार्वजनिक (भिडियोसहित)

काठमाडौं : चर्चित गायिका ज्योति मगरको तीज गीत सार्बजनिक भएको छ । उनी नेपाली लोक संगीत क्षेत्रकी प्रभावशाली गायिका मानिन्छन् । तर, उनीमाथि नेपाली लोकगीतमा छाडापन ल्याएको आरोप लाग्ने गरेको छ ।

ज्योति प्रायः दोहोरो अर्थ लाग्ने शब्द भएका गीतहरु गाइरहेकी हुन्छिन् । यसो भन्दैमा ज्योतिले राम्रा लोक गीत नै गाँउदिनन् भन्ने होइन । तर, त्यस्ता गीतले खासै चर्चा पाउने गरेका छैनन् । यसपटक पनि त्यही भएको छ । ज्योतिले गत शनिबार तीज गीत सार्वजनिक गरेकी छिन् ।

तर, गीत रिलिज भएको तीन दिनसम्म पनि उक्त गीतको चर्चा भने खासै भएको छैन् । त्यति धेरैले हेरेका छैनन् । तर, हेरेकामध्ये अधिकाशंले ज्योतीले सरप्राईज दिएको भन्दै सकारात्मक प्रतिक्रिया दिएका छन् । ज्योतीकै शब्द, संगीत र स्वर रहेको गीतको भिडियोमा पनि उनकै अभिनय देख्न पाइन्छ ।

गीत ज्योती मगर युट्युब च्यानलबाट सार्वजनिक गरिएको छ ।घरको परिस्थितिका कारण तीजमा माईत जान नपाएका चेलीहरुको पीडालाई भिडियोमा निकै मार्मिक तरिकाले प्रस्तुत गरिएको छ । गीतमा ज्योतीलाई नयाँ स्वरुपमा देख्न सकिन्छ । स्मृति तिमल्सिनाले निर्देशन गरेको गीतको भिडियोमा ज्योतीसँगै ऋतिका कुँवर, शेरबहादुर डीसी र गंगा मगरको अभिनय रहेको छ ।